டாடா சஃபாரியுடன் நேருக்கு நேர் மோதல்

விரைவில் விற்பனைக்கு வர இருக்கும் புதிய தலைமுறை மாருதி டிசையர் கார் ஒன்று பயங்கர விபத்தில் சிக்கியிருக்கிறது. எதிரே வந்த டாடா சஃபாரி ஸ்ட்ராம் எஸ்யூவியுடன் நேருக்கு நேர் மோதியதில், புதிய தலைமுறை மாருதி கார் மிக மோசமாக சிதைந்து போயுள்ளது. 

மத்திய பிரதேச மாநிலம், குவாலியர் நகரில் இந்த சம்பவம் நடந்துள்ளது. நெடுஞ்சாலையில் அதிவேகத்தில் சென்றபோது கட்டுப்பாட்டை இழந்து எதிரே வந்த டாடா சஃபாரி காருடன் புதிய மாருதி டிசையர் கார் மோதி இருக்கிறது.

  

மேலும், அதிவேகத்தில் சென்றபோது கட்டுப்பாட்டை இழந்து சாலையின் நடுவில் உள்ள தடுப்பில் மோதி மறுபுறத்தில் சென்று இருக்கிறது. அப்போது சாலையின் மறுபுறத்தில் வந்த டாடா சஃபாரி ஸ்ட்ராம் எஸ்யூவியுடன் நேருக்கு நேர் மோதி இருக்கலாம் என்று தெரிகிறது. ஆனால், முழுமையான தகவல்கள் இதுவரை கிடைக்கவில்லை.

  

இந்த சம்பவத்தில் டிசையர் காரின் ஓட்டுனர் பகுதி உள்பட பக்கவாட்டு பகுதி மிக மோசமான உருக்குலைந்து போயுள்ளது. இந்தியாவில் விரைவில் அறிமுகம் செய்யப்பட இருக்கும் புதிய க்ராஷ் டெஸ்ட் விதிகளுக்குப்பட்டு புதிய டிசையர் காரின் கட்டுமானம் மேம்படுத்தப்பட்டு இருக்கும் என்று கருதப்பட்டது.

 

ஆனால், இந்த படங்களை பார்க்கும்போது டிசையர் காரின் கட்டுமானம் இன்னமும் பயணிகளுக்கு போதிய பாதுகாப்பு அளிக்கும் அளவுக்கு மேம்படுத்தப்பட்டு இருக்கிறதா என்ற சந்தேகத்தை எழுப்புகிறது. மறுபுறத்தில் டாடா சஃபாரி ஸ்ட்ராம் எஸ்யூவியின் முன்பகுதி மட்டும் சேதமடைந்துள்ளது. பயணிகள் பகுதி அதிகம் சேதமடையவில்லை.

  

வரும் 16ந் தேதி புதிய மாருதி டிசையர் கார் விற்பனைக்கு அறிமுகம் செய்யப்பட இருக்கிறது. இந்த நேரத்தில், டீலருக்கு அனுப்பப்பட்ட புதிய டிசையர் கார் விபத்தில் சிக்கியிருப்பதாக தெரிகிறது. டீலர் பணியாளர் இந்த காரை ஓட்டியிருக்கலாம் என்றும் கருதப்படுகிறது.

  

கடந்த சில ஆண்டுகளாக டீலர் பணியாளர்கள் இதுபோன்ற புதிய கார்களை அதிவேகத்தில் ஓட்டி, மிக மோசமான விபத்தில் சிக்குவது தொடர்கதையாகி இருக்கிறது. இந்த விபத்தில் காரை ஓட்டியவர்கள், காரில் பயணித்தவர்களின் நிலை என்ன என்பது இதுவரை தெரிய வில்லை.

  

உலகின் நீளமான நெடுஞ்சாலைகளுள் ஒன்றான டிரான்ஸ்

உலகின் மிக அழகான சாலையாகவும், கார் ஓட்டுனர்களுக்கு பரவசத்தை வழங்கும் சாலையாகவும் குறிப்பிடப்படும் டிரான்ஸ் - சைபீரியன் ஹைவே பற்றி சில சுவாரஸ்யமான தகவல்களை தொடர்ந்து காணலாம். 




ரஷ்யாவின் பால்டிக் கடலை ஒட்டி அமைந்துள்ள செயிண்ட் பீட்டர்ஸ்பர்க் நகரில் துவங்கி சீனா மற்றும் வடகொரியாவை ஒட்டியுள்ள ஜப்பான் கடல் அருகே அமைந்துள்ள விளாடிவோஸ்டாக் நகரில் முடிவடைகிறது இந்த ஹைவே. ரஷ்யாவின் இரு துருவ நகரங்களை இணைக்கும் இந்த நெடுஞ்சாலை டிரான்ஸ் சைபீரியன் ஹைவே என்று அழைக்கப்படுகிறது. டிரான்ஸ் - சைபீரியன் ஹைவேயின் மொத்த நீளம் சுமார் 11,0000 கிலோமீட்டர்கள் ஆகும். 



இதில் முழுமையாக பயணிக்க 7 நாட்கள் ஆகும். உலகின் மிகவும் நீளமான நெடுஞ்சாலை என்ற பெருமையை ஆஸ்திரேலியாவின் ஹைவே-1 சாலையுடன் இது பகிர்ந்துகொள்கிறது. இந்த உலகின் மிக நீண்ட நெடுஞ்சாலையானது, 7 துணை சாலைகளை உள்ளடக்கியதாகும். அவை கீழ்க்கண்டவாறு.. 1. எம்-10: ரஷ்யா ஹைவே 2. எம்-5: உரல் ஹைவே 3. எம்-51: பைகல் ஹைவே 4.எம்-53: இர்குட்ஸ்க்  5.எம்-55: சைபீரியா 6.எம்58-ஆமூர் ஹைவே 7.எம்-60:உசுரி ஹைவே இது உலகின் நீண்ட சாலை என்பது மட்டுமல்லாமல் உலகின் தொன்மையான நெடுஞ்சாலைகளுள் ஒன்றாகவும் இது விளங்குகிறது. ரஷ்யாவில் ரயில்வே பாதைகள் அமைக்கப்படுவதற்கு முன்னரே இந்த நெடுஞ்சாலை உருவாக்கப்பட்டுள்ளது. 



இதன் தொன்மைக்கு எடுத்துக்காட்டாக 1876ஆம் ஆண்டில் ஜூல்ஸ் வெர்னே என்ற எழுத்தாளரால் எழுதப்பட்ட ‘கொரியர் ஆஃப் தி சிசர்' என்ற நூலில் இந்த சாலை பற்றிய குறிப்பு உள்ளது. 20ம் நூற்றாண்டில் போக்குவரத்து தேவைகள் அபரிமித வளர்ச்சி கண்டதையடுத்து, பொது போக்குவரத்திற்கு பயன்படும் சாலைகளை தரம் உயர்த்தி நெடுஞ்சாலைகளாக மாற்றினர். சில நாடுகள் ராணுவ துருப்புகளையும், வாகனங்களையும் கொண்டு செல்வதற்காகவும் நெடுஞ்சாலைகளை அமைத்தனர். பின்னர், அவை பொது போக்குவரத்திற்கானதாக மாறியது வரலாறு. ரஷ்யாவின் வனப்பான அழகை இந்த சாலையில் பயணிக்கையில் அனுபவிக்க இயலும். காடுகள், பனிபடர்ந்த மலைகள், தட்டையான நிலப்பரப்புகள், பள்ளத்தாக்குகள் ஊடாக இந்த சாலை அமைந்துள்ளது. இந்த நெடுஞ்சாலையில் உள்ளடங்கியுள்ள 7 சாலைகளும் ஒவ்வொரு சிறப்புகளை தன்னகத்தே வைத்துள்ளது. டிரான்ஸ் - சைபீரியா நெடுஞ்சாலையின் துவக்கமான எம்-10: ரஷ்யா ஹைவேயானது செயிண்ட் பீட்டர்ஸ்பர்க்கில் துவங்கி ரஷ்ய தலைநகர் மாஸ்கோ வரை 664கிமீ தூரம் நீள்கிறது. இந்த சாலையானது காட்டுப்பகுதிகளையும், சதுப்பு நிலப்பகுதிகளையும் உள்ளடக்கியதாக உள்ளது. 



இதே போன்று இதன் அடுத்த கட்டமான எம்-5: உரல் ஹைவேயானது மாஸ்கோவில் துவங்கி செல்யபின்ஸ்க் நகரம் வரை சுமார் 1891 கிமீ நீளம் கொண்டது. உரல் சாலையில் மலைப்பகுதிகளையும், தட்டையான நிலப்பகுதிகளையும் உள்ளடக்கியதாக இருக்கிறது. இது சற்று ஆபத்தான பகுதியாகவும் கருதப்படுகிறது. டிரான்ஸ் - சைபீரியா நெடுஞ்சாலையின் அடுத்த கட்டமான இர்திஷ் சாலையானது செல்யபின்ஸ்க் நகரில் துவங்கி நோவோசிபிர்ஸ்க் நகரம் வரை 1528 கிமீ தூரம் கொண்டது. அடுத்தகட்டமாக உள்ள சைபீரிய சாலையானது நோவோசிபிர்ஸ்க் நகரில் துவங்கி இர்குட்ஸ்க் வரை 1860 கிமீ தூரம் கொண்டதாக உள்ளது. 



இதேபோன்று அடுத்து உள்ள பைகல் சாலை இர்குட்ஸ்க் நகரில் துவங்கி சீத்தா நகரம் வரை 1113 கிமீ தூரம் நீள்கிறது. இதன் அருகே பைகல் ஏரி இருப்பதால் இந்த சாலைக்கு இந்த பெயர் ஏற்பட்டுள்ளது. அடுத்ததாக உள்ள ஆமூர் சாலை சீத்தாவில் தொடங்கி காபரோவ்ஸ்க் வரை 2100 கிமீ தூரம் கொண்டதாக உள்ளது. டிரான்ஸ் - சைபீரிய நெடுஞ்சாலையின் இறுதிக்கட்டமான உசுரி சாலை காபரோவ்ஸ்க் நகரில் துவங்கி ஜப்பான் கடலை ஒட்டி அமைந்துள்ள விளாடிவோஸ்டாக் நகரில் முடிவடைகிறது. இதன் நீளம் 760 கிமீ. 



இவ்வளவு நீளம் கொண்ட சாலை என்றால் விபத்துகள் நடக்காமல் இருக்குமா என்ன? இந்த சாலையில் நித்தம் சாலைவிபத்துகள் நடந்த வண்ணாமாகத்தான் உள்ளது. இந்த நெடுஞ்சாலையானது நிலப்பரப்பில் உலகின் மிகப்பெரிய நாடுகளுள் ஒன்றான ரஷ்யாவின் ஒட்டுமொத்த நிலப்பரப்பு வழியாகவும் பயணிக்கிறது என்பது விஷேஷமாக உள்ளது. இதன் மூலம் ரஷ்யாவின் அழகை ரசித்தவாறே பயணிக்க முடிகிறது.

யமஹா ஆர்-3 Vs கேடிஎம் ட்யூக் 390:

யமஹா ஆர்-3 மற்றும் கேடிஎம் ட்யூக்390 பைக்குகளுக்கு இடையில் நடத்தப்பட்ட பந்தயத்தில் சில சுவாரஸ்யமான தகவல்கள் தெரியவந்துள்ளது. ஆனால் ஸ்போர்ட்ஸ் பைக்குகளுக்கே உரித்தானது வேகம் தான். ஆக வேகத்தில் சிறந்தது எது என்பது இரண்டுக்கும் இடையில் பந்தயம் நடந்தால் தெரியவரும். 



யமஹாவின் ஆர்-3 ஸ்கூப் உள்ளிட்ட ஆக்ஸஸரிகள் கொண்ட ஒரு முழுமையான பைக் ஆகும். கேடிஎம்மின் புதிய ட்யூக்390 ஒரு நேகட் ஸ்போர்ட் பைக்காகும். இரண்டில் எது சிறந்தது என்பதனை தெரிந்து கொள்ளும் முன்பாக இரண்டு பைக்குகளின் முக்கிய அம்சமான அவற்றின் இஞ்சின் குறித்து தெரிந்து கொள்வோம். புதிய வரவான கேடிஎம் ட்யூக் 390 பைக்கில் ஒற்றை சிலிண்டர் கொண்ட 373சிசி லிக்விட் கூல்டு இஞ்சின் உள்ளது. 



புதிய வரவான கேடிஎம் ட்யூக் 390 பைக்கில் ஒற்றை சிலிண்டர் கொண்ட 373சிசி லிக்விட் கூல்டு இஞ்சின் உள்ளது. இதேபோல யமஹாவின் ஆர்-3 பைக்கில் இரட்டை சிலிண்டர்கள் கொண்ட 321சிசி லிக்விட் கூல்டு இஞ்சின் உள்ளது. இந்த இஞ்சின் அதிகபட்சமாக 41 பிஹச்பி ஆற்றலையும், 29.6 என்எம் டார்க்கையும் வெளிப்படுத்தவல்லதாகும். இதிலும் 6 ஸ்பீடு கியர் பாக்ஸ் உள்ளது. யமஹா ஆர்-3 மோட்டார் சைக்கிள் 169 கிலோ எடை கொண்டதாக உள்ளது. கேடிஎம் ட்யூக் 390 பைக்கின் எடை 163 கிலோவாகும்.



 இஞ்சின் மற்றும் எடையின் அடிப்படையில் இரண்டு பைக்கையும் ஒப்பிட்டால் கேடிஎம் ட்யூக் 390 பைக் முன்னிலை வகிக்கிறது. அதே போல எடைக்கு தகுந்த இஞ்சின் ஆற்றல் அடிப்படையில் ஒப்பிட்டாலும் யமஹா ஆர்-3 யை முந்துகிறது கேடிஎம் ட்யூக்390 பைக். நம்முடைய ஒப்பீடு அனைத்தும் ஏட்டளவிலேயே உள்ளதால் எந்த பைக் வேகத்தில் சிறந்தது என்பதனை மேலே உள்ள வீடியோவில் காணுங்கள். கேடிஎம் ட்யூக்390 பைக்கால் யமஹா ஆர்-3யின் வேகத்திற்கு ஈடுகொடுக்கமுடியவில்லை என்பது மேலே உள்ள வீடியோ மூலம் தெளிவாகிறது. 



யமஹா பைக்குகள் ஆண்டாண்டு காலமாக தொழில்முறை பந்தயங்களில் சிறந்து விளங்குகின்றன என்பது குறிப்பிடத்தக்கது. யமஹா நிறுவனம் பிரத்யேக மேம்பட்ட தொழில்நுட்பங்களை கையாண்டு வருவது தெரிந்ததே. கேடிஎம் ட்யூக்390 மோட்டார்சைக்கிளின் அதிகபட்ச வேகம் மணிக்கு 170 - 180 கிமீ ஆக உள்ள நிலையில் யமஹா ஆர்3 மணிக்கு 180 - 190 கிமீ என்பது குறிப்பிடத்தக்கது.

தெர்மோகோல்' அரசியல்வாதிகளும், தெறித்து ஓடும் கார்நிறுவனங்களும்... !!

கட்டு செட்டாக இருந்த தமிழக அரசியல் கடையாணி பிடுங்கிய கட்டை வண்டி போல போய்க்கொண்டு இருக்கிறது. எரிகிற வீட்டில் பிடுங்குகிற வரை ஆதாயம் என்ற நோக்கில் அரசியல்வாதிகள் தங்களது மொத்த வித்தையையும் காட்டி வருவது அண்மையில் கியா கார் நிறுவனத்திடம் லஞ்சம் கேட்ட விவகாரம் வழியாக கசிந்துவிட்டது. VIDEO : 2018 Ford Mustang Exterior and Interior Walkaround Part II Powered by இந்த விவகாரத்தை தொழிலதிபர் ஒருவர் ஃபேஸ்புக் மூலமாகவே வெளிப்படுத்தி இருக்கிறார். நாட்டின் முக்கிய வாகன உற்பத்தி கேந்திரமாக விளங்கும் சென்னை மாநகரம் ஆசியாவின் டெட்ராய்ட் என்ற பெருமையை இழந்துவிடுமோ என்ற அச்சம் எல்லோர் மனதிலும் எழுந்து வருகிறது. நம் நாட்டில் தயாராகும் மூன்று கார்களில் ஒன்று சென்னையில் உற்பத்தியாகிறது. ஒரு நிமிடத்திற்கு சென்னை மற்றும் சுற்றுவட்டார ஆலைகளில் மூன்று கார்களும், 75 வினாடிகளுக்கு ஒரு வர்த்தக வாகனமும் உற்பத்தியாகிறது. இருசக்கர வாகனங்கள், கார்கள், வர்த்தக வாகனங்கள் என ஆண்டுக்கு பல லட்சம் வாகனங்கள் உற்பத்தி செய்யப்படுகிறது. தகுதிவாய்ந்த பணியாளர்கள், சிறந்த சாலை கட்டமைப்பு வசதிகள், ஏற்றுமதி செய்வதற்கு ஏற்ற சிறந்த துறைமுகம் போன்றவற்றால் பூகோள அமைப்பிலும், ஸ்திரமான அரசியல் சூழலும் பெற்றிருந்த தமிழகத்தை நோக்கி வெளிநாட்டு, உள்நாட்டு வாகன உற்பத்தி நிறுவனங்கள் சில ஆண்டுகளுக்கு முன் வரை படையெடுத்தன. 



பிரதமர் மோடி கேதார்நாத் கோவிலுக்கு சென்ற போது மலையேற்றத்திற்காக பயன்படுத்தியது இந்த வாகனத்தை தான்..! மேனுவல் ட்ராகிங்கிற்கு குட்பை... வந்தாச்சு புதிய ரேடியோ சாதனம்; இந்திய இரயில்வேயில் அதிரடி அறிமுகம் அவலட்சணமான தோற்றம் கொண்டதால் ஷோரூமில் மதிக்கப்படாத முதியவர் ஹார்லி பைக் வாங்கி பதிலடி..! Featured Posts ஆனால், இப்போது நிலைமை தலைகீழாக மாறி வருகிறது. தமிழகத்தில் உள்ள அரசியல் சூழல்களால், முதலீடு செய்வதற்கு பல நிறுவனங்களும் தயாராக இல்லை. அதன்படியே, ஃபோர்டு நிறுவனம் தமிழகத்தில் இரண்டாவது ஆலையை அமைப்பதை விட்டு குஜராத் மாநிலத்தை தேர்வு செய்தது. ரூ.4,000 கோடி முதலீட்டில் அந்த ஆலை அமைக்கப்பட்டுள்ளது. அதற்கடுத்து, ஜப்பானை சேர்ந்த இசுஸு நிறுவனம் ஆந்திராவில் ஆலை அமைத்துவிட்டது. ஹூண்டாய் நிறுவனத்தின் துணை நிறுவனமான கியா மோட்டார்ஸ் நிறுவனமும் ஆந்திரா சென்றுவிட்டது. இது பரவாயில்லை. நாட்டின் இரண்டாவது பெரிய கார் நிறுவனமாக விளங்கும் ஹூண்டாய் மோட்டார்ஸ் நிறுவனமும் புதிய ஆலையை அமைப்பதற்கான யோசனையில் இருக்கிறது. அப்படி இருந்தாலும், அது தமிழகத்தில் அமைக்குமா என்பது கேள்விக்குறியாகவே உள்ளது. 



கார் உள்ளிட்ட வாகன நிறுவனங்களுக்கு பிற மாநிலங்கள் கவர்ச்சிகரமான சலுகைகள் மற்றும் போதிய ஒத்துழைப்பை வழங்கி கவர்ந்து வருகின்றன. பிரதமர் மோடி கேதார்நாத் கோவிலுக்கு சென்ற போது மலையேற்றத்திற்காக பயன்படுத்தியது இந்த வாகனத்தை தான்..! மேனுவல் ட்ராகிங்கிற்கு குட்பை... வந்தாச்சு புதிய ரேடியோ சாதனம்; இந்திய இரயில்வேயில் அதிரடி அறிமுகம் அவலட்சணமான தோற்றம் கொண்டதால் ஷோரூமில் மதிக்கப்படாத முதியவர் ஹார்லி பைக் வாங்கி பதிலடி..! Featured Posts ஆனால், தமிழகத்தில் முதலீடு செய்ய வரும் நிறுவனங்களிடம் 50-50 சதவீத லஞ்சம் கேட்டு அலற விட்டு வருகின்றனர் அரசியல்வாதிகள். தமிழகத்தில் புதிய ஆலை துவங்குவதற்கான நடைமுறைகளும் மிகுந்த தாமதம் ஏற்பட்டு வருகின்றன. இதனால், பெரிய அளவிலான முதலீடுகள் தற்போது தமிழகத்தைவிட்டு கை நழுவி சென்று கொண்டிருக்கின்றன. ஆனால், அதனை பற்றி எல்லாம் கவலை கொள்ளலாமல் ஊரே பற்றி எரிகிற போது நீரோ மன்னன் பிடில் வாசித்த கதையாக, அரசியல்வாதிகள் ஊழல் செய்வதிலும், அதனை மூடி மறைப்பதிலும் கண்ணும் கருத்துமாக செயல்பட்டு வருகின்றனர். 2000ம் ஆண்டிலிருந்து 2015ம் ஆண்டு வரை சுமார் 17 பில்லியன் டாலர்கள் அன்னிய முதலீட்டை பெற்ற தமிழகம், இப்போது பெரும் முதலீடுகளை இழந்து வருகிறது. கார் நிறுவனங்கள் மட்டுமின்றி, அது தொடர்புடைய ஆய்வு மையங்கள், உதிரிபாக ஆலைகள் என அனைத்துமே இப்போது தமிழகத்தில் முதலீடு செய்வதை தவிர்க்க துவங்கி இருக்கின்றன. இதனால், முதலீடு மட்டுமில்லாமல், நேரடியாகவும், மறைமுகமாகவும் தமிழகத்திற்கான வேலைவாய்ப்பு, வருவாய் போன்றவற்றில் பெரும் பாதிப்பு ஏற்பட்டு வருகிறது. மஹாராஷ்டிரா, உத்தரகாண்ட் உள்ளிட்ட மாநிலங்களுடன் ஒப்பிடும்போது, தமிழகத்தில் சிறந்த மனித வளம் இருப்பதாக வாகன துறையினரே ஒப்புக் கொள்கின்றனர். ஆனால், அரசியல் சூழல்கள்தான் இப்போது பெரும் தடையாக மாறி உள்ளது. தமிழகத்தில் மீண்டும் ஸ்திரமான அரசியல் சூழல் உருவாகினால் மட்டுமே, இனி ஆசியாவின் டெட்ராய்ட் என்ற பெருமையை சென்னை தக்க வைத்துக் கொள்ளும் வாய்ப்பு கிட்டும். 

பேட்டரியில் இயங்கும் கேடிஎம் ட்யூக் 390பைக்

பேட்டரியில் இயங்கும் வாகனங்களுக்கான மார்க்கெட் மெல்ல வளர்ச்சி கண்டு வருகிறது. எதிர்காலத்தில் பேட்டரி வாகனங்களே தீர்வாகவும் மாறும் நிலை இருக்கிறது. இதனை உணர்ந்து கொண்டு வாகன தயாரிப்பு நிறுவனங்கள் பேட்டரியில் இயங்கும் மின்சார வாகனங்களை தயாரிக்கும் முயற்சிகளில் தீவிரம் காட்டி வருகிறது.



அந்த வகையில், நம் நாட்டு இளைஞர்களிடம் பெரும் வரவேற்பை பெற்ற கேடிஎம் நிறுவனமும் மின்சார பைக் தயாரிப்பில் ஈடுபட்டுள்ளது தெரிய வந்துள்ளது. அண்மையில் பேட்டரியில் இயங்கும் கேடிஎம் ட்யூக் 390 பைக் ஒன்று சோதனை ஓட்டம் நடத்தப்பட்டு இருக்கிறது. கேடிஎம் ட்யூக் 390 பைக்கின் முந்தைய தலைமுறை மாடலில் பேட்டரியை பொருத்தி, மின் மோட்டாரில் இயங்கும் வகையில் மாற்றங்களை செய்துள்ளனர். மேலும், பேட்டரியில் இயங்கும் கேடிஎம் ட்யூக் 390 பைக் தயாரிப்பு நிலை மாடல் போல் காட்சி அளிக்கிறது. 



ஒருவேளை விரைவில் உற்பத்திக்கு கொண்டு செல்லப்பட்டால், அது உடனடியாக இந்தியாவிலும் விற்பனைக்கு வரும் வாய்ப்பு இருக்கிறது. எனவே, இந்த மின்சார கேடிஎம் ட்யூக் 390 பைக் பெரும் ஆவலைத் தூண்டுவதாகவே பார்க்கப்படுகிறது. அண்மையில்தான் புதிய தலைமுறை கேடிஎம் ட்யூக் 390 பைக் இந்தியாவில் விற்பனைக்கு கொண்டு வரப்பட்டது. ஆனால், பேட்டரியில் இயங்கும் மின்சார கேடிஎம் ட்யூக் 390 பைக் முந்தைய தலைமுறை மாடல் என்பதும் ஸ்பை படங்கள் மூலமாக தெரிய வந்துள்ளது. 



எனினும், சோதனை ஓட்டங்கள் வெற்றிகரமாக அமையும் பட்சத்தில், வடிவமைப்பு மற்றும் சிறப்பம்சங்கள் புதிய தலைமுறை ட்யூக் 390 பைக்கிற்கு மேம்படுத்தப்பட்டு இந்த மின்சார பைக் விற்பனைக்கு அறிமுகம் செய்யப்படலாம்.   



இந்த மின்சார ட்யூக் 390 பைக்கில் மிக முக்கியமாக கவனிக்க வேண்டிய விஷயம் என்னவெனில், சாதாரண பெட்ரோல் மாடலைப்போன்றே, க்ளட்ச் லிவர் மற்றும் கியர் லிவர்களை கொண்டிருப்பதுதான். அதாவது, வழக்கமான ஓட்டுதல் உணர்வை ஏற்படுத்துவதற்காக இதுபோன்று கொடுக்கப்பட்டு இருக்கலாம். மின்சார பைக் தயாரிப்பு என்பது கேடிஎம் நிறுவனத்துக்கு புதிதல்ல. ஏற்கனவே, இ-எஸ்எம், இ-எக்ஸ்சி உள்ளிட்ட பல மாடல்களை தயாரித்து வருகிறது. இந்த நிலையில், அதன் பிரபலமான ட்யூக் 390 பைக்கில் மின்சார மாடல் என்பதுதன் இப்போது எதிர்பார்ப்பை அதிகரித்துள்ளதற்கு காரணம். 

ஜாகுவார் காரை அசால்ட்டாக ஓட்டியவர்..!

இங்கிலாந்து ராணியான இரண்டாம் எலிசபெத் பாதுகாவலரை அருகில் வைத்துக்கொண்டு ஜாகுவார் எக்ஸ்-டைப் காரை ஓட்டி உலகை ஆச்சர்யத்தில் ஆழ்த்தியுள்ளார். இந்த வயதிலும் ராணி எலிசபெத்தின் கார் ஓட்டும் திறன் திருத்தமாக இருந்ததாக இங்கிலாந்து பத்திரிக்கைகள் பல அவருக்கு புகழாரம் சுட்டி வருகின்றன. கடந்த 4ம் தேதி இங்கிலாந்து இளவரசரும், ராணி எலிசபெத்தின் கணவருமான ஃபிலிப் அரச கடமைகளிலிருந்து ஆகஸ்டு மாதத்துடன் ஓய்வு பெறப்போவதாக அறிவித்து பரபரப்பை ஏற்படுத்தினார். இந்த அறிவிப்பிற்கான காரணத்தை இங்கிலாந்து பத்திரிக்கைகள் பல ஆராய்ந்து கொண்டுயிருக்க, விண்டஸர் பூங்கா அருகில் ராணி எலிசபெத் கார் ஒட்டி சென்றது ஃபிலிப்பின் ஓய்வு அறிவிப்பை ஓரங்கட்டி விட்டது. சமூகம் மற்றும் அரசுக் கடமைகளில் சிறந்து விளங்கும் ராணி எலிசபெத்தை குறித்து பலரும் அறிந்திராத ஒன்று என்ன என்றால்? அவர் ஒரு கார் பிரியர். எந்த ஒரு உயர் ரக கார்கள் அறிமுகமானாலும், அதை உடனே ஓட்டி பார்க்க வேண்டும் என்ற அளவிற்கு கார்கள் மேல் ராணி எலிசபெத்திற்கு மிகப்பெரிய ஆர்வமுண்டு. இரண்டாம் உலகப் போரின் போது, பெண்கள் துணை பிராந்திய சேவையில் மெக்கானிக்காக பணியாற்றியவர். அதனால் கார் ஓட்டுவதிலும், பழுது பார்ப்பதிலும் ராணி எலிசபெத்திற்கு நிபுணத்துவமுண்டு. இரண்டாம் உலகப் போரின் சமயத்தில் (1945) ராணி எலிசபெத் போர் களங்களில் வாகனங்களில் பயணிப்பது போன்று பல படங்கள் வெளியாகியுள்ளன. போர் நடைபெற்ற சமயங்களில் காயம்பட்ட இராணுவ வீரர்களை காப்பாற்ற அவசர ஊர்திகளை கூட அவர் இயக்கியுள்ளார். மேலும் அரசு சார்ந்த பல முக்கிய நிகழ்வுகளுக்கு தனது குடும்பத்தினருடன் பல முறை கார்களை ஓட்டு சென்றுள்ளார். அதுதவிர தன் கணவர் இளவரசர் ஃபிலிப் உடன் ராணி எலிசபெத் காரில் செல்லும் புகைப்படங்கள் எப்போது வெளிவந்தாலும், அது மிகப்பெரிய வைரலாக தவறியதே இல்லை. கார் பயணங்களுக்கான குதூகலம் ராணி எலிசபெத்திற்கு வந்துவிட்டால் உடனே தனது சாந்ரிங்கம் எஸ்டேட்டிற்கு காரை எடுத்துக்கொண்டு விருட்டென கிளம்பிவிடுவார். அந்த பகுதியில் தனக்கு பிடித்த இடங்களுக்கு எல்லாம் அவராகவே காரை ஒட்டி செல்வார். இவ்வாறு சாந்ரிங்கம் எஸ்டேட் பகுதியில் ராணி எலிசபெத் காரில் ஓட்டி செல்வது போன்ற புகைப்படங்கள் அதிகளவில் வெளியாகியுள்ளன. அதே போல தனிமையான பயணங்களுக்கு பெரும்பாலும் ராணி லேண்ட் ரோவர் எஸ்.யூ.வி காரையே பயன்படுத்துவார். இதற்கு முன்னர் இறுதியாக கடந்தாண்டில் இளவரசர் வில்லியம்ஸ் மற்றும் பெயர்த்தி கேத்துடன் பெல்மோர் பகுதிக்கு பிக்னிக் சென்றிருந்தபோது கார் ஒட்டியுள்ளார் ராணி எலிசபெத். அதற்கு பிறகு தற்போதே அவர் கார் ஓட்டும் செய்தி வெளியாகியுள்ளது. விண்ட்ஸர் பூங்கா தேவாலயத்தின் திருப்பள்ளியில் கலந்துகொண்ட பிறகு பக்கிங்ஹம் அரண்மனைக்கு செல்ல அவரே கார் ஓட்டியதாக கூறி புகைப்படங்களுடன் டெய்லி மெயில் இணையதளம் செய்தி வெளியிட்டுள்ளது. தேவாலயத்திலிருந்து பக்கிங்ஹம் அரண்மனைக்கு உயர் ரக பச்சை நிற ஜாகுவார் எக்ஸ்-டைப் காரை, ராணி எலிசபெத் தானாகவே ஓட்டி செல்ல, அருகில் அவருடைய பாதுகாவலர் பயணிகள் இருக்கையில் அமர்ந்திருந்ததாக டெய்லி மெயில் இணையதளம் செய்தி வெளியிட்டுள்ளது. ராணி எலிசபெத் பயன்படுத்தும் ஜாகுவார் எக்ஸ்-டைப் காரை பற்றிய சிறப்பம்சங்கள் சரியாக குறிப்பிடப்படவில்லை. எனினும் அந்த மாடல் காரை ஜாகுவார் நிறுவனம் 2.5 லிட்டர் மற்றும் 3 லிட்டர் வி6 பெட்ரோல் எஞ்சின் என இரண்டு வகையாக தயாரிக்கிறது. அனைத்து சக்கரங்களையும் இயக்ககூடிய திறன் பெற்ற ஜாகுவார் எக்ஸ்-டைப் கார் தானாக இயங்கக்கூடிய மற்றும் மேனுவாலாக இயக்கம் பெற்ற 5-ஸ்பீடு கியர் பாக்ஸ் என இரண்டு தொழில்நுடங்கள் கொண்ட மாடல்களில் வெளிவருகிறது.  அரச கடமைகளிலிருந்து இளவரசர் ஃபிலிப் ஓய்வு பெறுவது தொடர்பான அறிவிப்பு வெளியான உடன், அதற்கு ராணி எலிசபெத்தின் கருத்து என்ன என்பது உலகளவில் பலரது கேள்வியாக உள்ளது. கடந்த வாரத்தில் நடைபெற்ற ஒரு அவசர கூட்டத்தின் போது தனது ஓய்வு அறிவிப்பை அதிகாரப்பூர்வமாக வெளியிட்டார் இளவரசர் ஃபிலிப். மேலும் இளவரசர் ஃபிலிபின் இந்த முடிவிற்கு அவர் மனைவியான ராணி எலிசபெத் பின்னணியாக இருப்பாரோ என்ற சந்தேகங்களும் ஊடகங்கள் மத்தியில் உலாவி வருகின்றன. இந்நிலையில் இங்கிலாந்து அரச குடும்பத்தினர் தொடர்ந்து பல்வேறு அரசு கடமைகளில் இறங்கவுள்ளதாகவும், அதில் இங்கிலாந்து அரச குடும்பத்தை சார்ந்த இளம் தலைமுறையினர் பங்கேற்க வேண்டும் என்பது ராணி எலிசபெத்தின் எண்ணமாக இருக்கிறது.  அரச குடும்பத்தினர் சொந்த பணிகளை விட்டுவிட்டு பொதுப் பணிகளில் கவனம் செலுத்த வேண்டும் என்பதை ராணி எலிசபெத விரும்புவதாகவும், அதனாலேயே பாதுகாவலர் அருகிலிருந்தும், தானாகவே காரை இயக்கி தனது எண்ணத்தை ராணி உலகிற்கு உணர்த்திருப்பதாக பல இங்கிலாந்து ஊடகங்கள் செய்தி வெளியிட்டுள்ளன. இங்கிலாந்தில் ஓட்டுநர் உரிமம் இல்லாமல் கார் ஓட்டும் அனுமதி இங்கிலாந்து ராணி 2ம் எலிசெபத்திற்கு மட்டுமே உள்ளது. அதேபோல போக்குவரத்து சார்ந்த விஷயங்களிலும் பல்வேறு சலுகைகள் அவருக்காக பின்பற்றபடுவதும் வழக்கமாக உள்ளது. 

ஐஎன்எஸ் பஜாஜ் வி12 புதிய அறிமுகம்

பஜாஜ் நிறுவனத்தின் வி15 மோட்டார்சைக்கிள் சந்தையில் நல்ல வரவேற்பை பெற்ற நிலையின் அதன் மாடலை அடிப்படையாகக் கொண்ட வி12 பைக்கை கடந்த ஆண்டு அறிமுகம் செய்தது பஜாஜ் நிறுவனம்.

இந்த வி சீரீஸ் பைக்குகளை மிகவும் முக்கியமான வரலாற்று பின்னணி கொண்டவையாக பஜாஜ் நிறுவனம் தயாரித்தது.

  

இந்தியாவின் முதல் விமானம் தாங்கி போர்க் கப்பல் என்ற பெருமை கொண்ட ஐஎன்எஸ் விக்ராந்த் கப்பலின் இரும்பு உலோகங்களை பயன்படுத்தி இந்த மோட்டார்சைக்கிள்களை தயாரிக்கப்படுவதாக அந்நிறுவனம் தெரிவித்தது.

  

நாடு சுதந்திரமடைந்த பிறகு இந்தியாவின் ராணுவ வலிமையைப் பறைசாற்றும் வகையில் மிகவும் பிரபலமாக விளங்கியது ஐஎன்எஸ் விக்ராந்த் போர்க்கப்பல்.

  

இந்த சரித்திரத்தை பேணிக்காக்கும் வகையில் அதன் வி சீரிஸ் பைக்குகளின் தயாரிப்பில் கப்பலில் இருந்து உடைக்கப்பட்ட இரும்பு பயன்படுத்தப்பட்டது குறிப்பிடத்தக்கது.

  

டிசைன் அடிப்படையில் பஜாஜ் வி15 மாடலுக்கும், இப்போது வந்திருக்கும் புதிய வி12 மாடலுக்கும் வித்தியாசங்கள் இல்லை. ஹெட்லைட், இன்ஸ்ட்ரூமென்ட் க்ளஸ்ட்டர் என அனைத்தும் வித்தியாசம் இல்லை

  

125சிசி கம்யூட்டர் பிரிவில் பஜாஜ் வி12 பைக் இதர நிறுவனங்களுக்கு கடும் போட்டியளித்து வருகிறது. என்றாலும் இதில் டிஸ்க் பிரேக் இல்லாதது ஒரு குறையாகவே இருந்து வந்தது.

  

இதனை கருத்தில் கொண்ட பஜாஜ் நிறுவனம் தற்போது வி12 பைக்கின் முன்பக்க டிஸ்க் பிரேக் கொண்ட புதிய வேரியண்டை விற்பனைக்கு அறிமுகம் செய்துள்ளது.

  

இந்த புதிய வேரியண்ட் நடப்பு வி12 பைக்கை விட 3000 ரூபாய் கூடுதல் விலை கொண்டதாக இருக்கும் என்று தெரியவருகிறது.

  

புதிய பஜாஜ் வி12 மோட்டார்சைக்கிளில் ஒற்றை சிலிண்டர் கொண்ட ஏர் கூல்டு 124.45சிசி எஞ்சின் பொருத்தப்பட்டு இருக்கிறது.

  

அதிகபட்சமாக 10.5 பிஎஸ் பவரையும், 10.8 என்எம் டார்க் திறனையும் இந்த மோட்டார்சைக்கிள் வழங்கும். இதில் 5 ஸ்பீடு கியர் பாக்ஸ் உள்ளது.

  

பெரும்பாலும் வி15 பைக்கின் டிசைனை ஒட்டியே இந்த வி12 பைக்கும் இருக்கிறது. இதில் கூடுதலாக கருப்பு வண்ண மட் கார்டு கொடுக்கப்பட்டுள்ளது.

  

இதில் 13 லிட்டர் அளவு கொண்ட பெட்ரோல் டேங்க் உள்ளது. இந்த பைக்கின் மொத்த எடை 133 கிலோவாக உள்ளது.

  

முன்பக்க டிஸ்க் பிரேக் கொண்ட பஜாஜ் வி12 பைக் ரூ.60,000 (டெல்லி, எக்ஸ்ஷோரூம்) என்ற விலையில் கிடைக்கிறது.

  

இந்த புதிய வி12 பைக்குக்காக புக்கிங்குகளை பஜாஜ் டீலர்கள் ஏற்கெனவே பெறத் துவங்கியுள்ளனர் என்பது குறிப்பிடத்தக்கது.

  

பஜாஜ் வி12 பைக்கானது 125சிசி கம்யூட்டர் செக்மெண்டில் ஹோண்டாவின் சிபி ஷைன் மற்றும் ஹீரோவின் கிளாமர் ஆகிய மாடல்களுடன் போட்டியில் உள்ளது